購物車
-
無結果!
-
-
繁
- EN
- 繁
- 简
楊茜堯為台慶劇《黑色月光》拍宣傳片，盡顯復仇女王氣場｜林夏薇｜王浩信｜黃翠如｜楊卓娜
發佈日期: 2024-10-16 | 懶人包
台慶劇《黑色月光》即將推出，女主角楊茜堯呢日一身高貴全黑晚禮服化身復仇女王現身拍攝宣傳片，眼神舉手頭足都瞬間入戲，而拍攝場景中仲擺放咗同劇拍檔嘅造型照，茜堯親自解構角色關係，仲話每個角色背後都有個故事，笑指好多人問佢點解啲相好似冇著衫，其實係刻意營造赤祼人性一面，故事好複雜，並唔係冇著衫咁簡單。 茜堯相隔多年回巢拍劇，除咗同老拍檔林夏薇、王浩信等合作外，佢話同親家姐楊卓娜以及黃翠如劇中演三姊妹反而有意外火花，因為三人走在一起時好有真實感，自然流露出真摯嘅姊妹情，一定令觀眾會有好大共鳴感。 茜堯忙於宣傳新劇，日前結婚8周年都差啲冇時間慶祝，好彩老公羅子溢夠貼心，早已為呢個重要日子安排節目，兩夫妻重臨舉行婚禮嘅地方慶祝，茜堯分享當時同老公對答，子溢千叮萬囑佢唔好甩底，茜堯甜笑表示唔敢，不過講到老公送咗咩禮物時？佢就呈現烏鴉問號，相信只有兩夫妻先知道。
