購物車
-
無結果!
-
-
繁
- EN
- 繁
- 简
企業強人︱張曦雯素顏上陣背後原因勁專業 皮膚勁靚大方分享護膚心得
發佈日期: 2024-10-08 | 娛樂熱話
《企業強人》昨晚Ending場口亦相當浪漫，每次均200%落力為趙愷解除危機的宋翹，與趙愷分析丁寧的威脅性時，不以為然的趙愷將話題拉到宋翹家中的音響器材上，二人之後齊齊靜下來細聽昔日的定情歌曲《Come With Me》。為配合家居Feel，張曦雯相關場口素顏上陣，皮膚質素甚佳。
談到護膚心得，張曦雯（Kelly）透露如果要開工拍劇，她每天會敷至少兩次Mask保持皮膚質素，相當勤力：「今次我都係第一次開工唔化妝，因為想將喺屋企同埋女強人嘅對比做得大啲。護膚唔可以懶架，如果我開工，朝早起身洗完臉會敷Mask先會化妝，夜晚落晒妝洗晒臉都一定會敷個Mask先至瞓覺，同埋飲多啲水，水份好緊要。」
另《Come With me》是《企業強人》插曲，由《聲夢》畢業生鍾柔美（Yumi）獻唱，對於擅長唱快歌的Yumi轉歌路唱浪漫英文情歌，網民極為受落，大嘆驚喜及直指Yumi唱功進步不少：「Yumi唱得超好聽，好有感覺，有靈魂，好動聽」、「估唔到係Yumi唱，進步不少」、「睇劇聽咗幾次已經好入腦」、「Yumi唱慢歌也有很高欣賞指數」、「希望每日都有呢首插曲可以聽到」。
