剪裁魔法師丨胡定欣弗爆透視裝結實長腿勁搶焦張曦雯對爆肌張馳豪情有獨鍾睇到烏晒身兼心心眼勁投入

發佈日期: 2024-10-04 | 娛樂熱話

香港電視史上首個時裝設計師真人騷節目《剪裁魔法師》，逢周六晚上八點翡翠台播映。節目由胡定欣及袁偉豪擔任主持，並由星級評審包括蘇永康、梁詠琪、張曦雯、周汶錡、Amanda S.、時裝設計師馬偉明（Walter）、造型師郭慶彬（Ricky）見證《剪裁魔法師》之路。

先講中式主題，由張馳豪（Aska）演繹、王韜棋（Toki）設計的「玉蝴蝶」，以中山裝造型為藍本，Walter大讚企領設計相當適合Aska，可隱藏其頸部較長的缺點；真胸上陣的Aska，開衩剪裁隱約展示結實巨胸和腹肌，張曦雯看得亦異常投入，烏晒身兼心心眼大讚：「呢個係我最鍾意嘅outfit，雖然你嘅設計著喺Aska身上好masculine，但我都幻想到自己著你嗰兩套衫（會好睇）。」蘇永康亦笑言：「如果我有呢個身材都會買！」

本集另一大亮點，必定落在主持胡定欣的超貼連身裙身上，透視設計令三角打底褲成為焦點之餘，更盡騷結實零贅肉pat pat及長腿，絕對弗爆！向來熱愛運動的定欣，經常做健身、跑步等運動，並藉住不同類型的運動，如集中做Hardcore Training（核心肌肉訓練）及TRX（懸吊訓練）等鍛鍊腹肌及整體線條。之前定欣在劇集《廉政狙擊》中，便曾憑超強背肌贏盡熱話，絕對是美好身段女藝人代表。