購物車
-
無結果!
-
-
繁
- EN
- 繁
- 简
熱播劇《法證先鋒VI倖存者的救續》
發佈日期: 2024-08-26 | 娛樂熱話
黃宗澤煲靚湯慰勞劇組 蔡潔唱Live獲洗腸大讚
熱播劇《法證先鋒VI倖存者的救續》一眾演員 #黃宗澤 蔡潔 Jacky Cai 袁偉豪 Benjamin Yuen 傅嘉莉Kelly Fu Kelvin Kwan 關楚耀 Joey Thye 戴祖儀
#林正峰 Joman Chiang 蔣祖曼 等，呢日現身商場宣傳，大受市民歡迎。
被大批女粉絲包圍嘅Bosco，唔單止對粉絲有求必應，對同劇演員亦都相當窩心，佢更經常親自煲靚湯同拍檔分享，Bosco話自己好鐘意邊睇劇本邊煲湯，搞到戴祖儀都充滿幻想，大讚畫面夠曬唯美。
活動上，蔡潔亦大開金口演唱劇集歌《Lost In the Night》，而佢唱Live嘅實力，仲獲關楚耀大讚添，蔡潔都話即刻鬆一口氣，事關佢話之前一晚心情好緊張，腦海一片空白，仲要準備定歌詞，主播潘盈慧就提議兩位可以整番一首合唱版，蔡潔都好贊成，仲話：「呢隻歌都有我對『洗腸』嘅感情」，關楚耀講起角色名「冼陽」變「洗腸」嘅趣事，佢話自己第一日開工去服裝間，見到自己嘅服裝寫住「關楚耀洗腸」，令佢哭笑不得。
Kelly今次就飾演喪夫嘅單親媽媽，劇中情緒起伏都幾大，仲有唔少喊戲，同佢有大量對手戲嘅阿Ben，都話佢變咗Kelly嘅聆聽者，佢暗示咗兩人喺劇中嘅關係發展。
#法證先鋒VI倖存者的救續 #熱播劇 #黃宗澤 #蔡潔 #袁偉豪 #傅嘉莉 #關楚耀 #戴祖儀 #林正峰 #蔣祖曼 #宣傳 #洗腸 #冼陽
